જામનગર : અમરેલી જિલ્લામાં ફરજ બજાવતા એક મહિલા અધિકારીને ન્યાયતંત્ર સાથે જોડાયેલ વ્યક્તિ વિશેસના મોબાઈલમાંથી પ્રેમ ભર્યો મેસેજ આવતા અને ત્યારબાદના સમીકરણો બાદ આ સમગ્ર પ્રકરણ જીલ્લા પોલીસવડા સમક્ષ લઇ જવામાં આવ્યું છે. બીજી તરફ આ મેસેજ કામવાળીથી થઇ ગયો હોવાનું પણ જે તે વ્યક્તિ વિષેશ દ્વારા સ્પષ્ટ કરવામાં આવ્યું છે. પ્રેમભર્યા મેસેજને લઈને આજકાલ અમરેલી ચર્ચામાં આવ્યું છે.
મિસ યુ ડીયર, ગુડ મોર્નિંગ, લવ યુ ટુ….આવો પ્રેમભર્યો મેસેજ અમરેલી જિલ્લામાં ફરજ બજાવતા મહિલા પોલીસ અધિકારીને પોતાના મોબાઈલમાં રીસીવ થાય છે. તા. ૩૧મી ઓગસ્ટની સવારે આવેલ મેસેજને લઈને સંદેશો ડીલીટ થાય તે પૂર્વે મહિલા અધિકારી સ્ક્રીન શોટ પાડી લ્યે છે. પછી જે તે મોબાઈલ નંબર પરથી મેસેજ સેન્ડ થયો હતો તેને કોલ જોડે છે. પણ સામેથી કોઈ પ્રતિભાવ ન મળ્યો, ત્યારબાદ પોલીસ દફતર પહોચી મહિલા પીએસઆઈ ફોન જોડે છે. સામેથી જે તે વ્યક્તિ પોતાનો પરિચય ન્યાય તંત્ર સાથે જોડાયેલ વ્યક્તિ વિશેસ તરીકે આપે છે. અને જે તે વ્યક્તિ પણ ખુલાસો કરે છે કે આ મેસેજ પોતાની કામ વાળીથી ભૂલથી સેન્ડ થઇ ગયો હતો. આ બાબતને લઈને મહિલા અધિકારીએ પોતાના ઉચ્ચ પોલીસ અધિકારીને સ્ક્રીન શોટ સાથે સમગ્ર ઘટના અંગે જાણ કરી છે. જો કે આ પ્રકરણમાં હજુ સુધી ફરિયાદ થવા પામી નથી. પરંતુ આ બાબત હાલ જિલ્લાભરમાં ટોકિંગ પોઈન્ટ બની છે.
