જામનગરમાં બે વર્ષ પૂર્વે ઠેબા ચોકડી પાસે યુવાનના થયેલ મર્ડર બાદ મૃતક યુવાનના પિતાની પણ હત્યા નીપજાવવાનો પ્રયાસ કરવામાં આવતા સનસનાટી મચી જવા પામી છે. પુત્રની હત્યાના મનદુઃખને લઈને જ હુમલો કરવામાં આવ્યો હોવાનું પોલીસમાં જાહેર થયું છે. છરી વડે હુમલો કરી માથાના ભાગે ઘાતક ઈજાઓ પહોચાડી આરોપી નાશી ગયો હોવાનું પોલીસમાં જાહેર થયું છે. પોલીસે બનાવ બાદ આરોપીની શોધખોળ શરુ કરી છે.
જામનગરમાં ગઈ કાલે સાંજે છ્યેક વાગ્યે ઠેબા બાય પાસ પાસે આવેલ માલધારી હોટલ તથા જે.સી.આર. મોલ ની વચ્ચે આવેલ રામભાઇ ના ગેરેજ પાસે મોહબતસંગ અભેસંગ જાડેજા ઉવ.૫૯ ધંધો.કંન્ટ્રકશન મટીરીયલ રહે.ગ્રીન સીટી શેરી નં. ૦૫ જમણી બાજુ જામનગર વાળા પ્રૌઢ પર પ્રદીપસિહ રામસંગ સોઢા રહે.રામેશ્વર નગર જામનગર વાળા સખ્સએ હુમલો કર્યો હતો. વૃધ્ધને મારી નાખવાના ઈરાદે મારી નાખવા ના ઇરાદે છરી વડે જીવલેણ હુમલો કરી આરોપીએ માથાના ભાગે છરીનો એક ઘા મારી હેમરેજની ઇજા કરી હતી. બીજો ઘા માથાના ભાગે મારવા જતા નીચે પડી ગયેલ વૃદ્ધે છરી સાથે બન્ને હાથ લાવી અટકાવવાનો પ્રયાસ કરતા તેઓને અંગુઠા પાસે છરી ના ઘા મારી આરોપી નાશી ગયો હતો.
માથાના ભાગે ઊંડો ઘા લાગતા વૃદ્ધ સ્થળ પર લોહીથી લથપથ થઇ ઢળી પડ્યા હતા. ત્યારબાદ તેઓને હોસ્પિટલ ખસેડવામાં આવ્યા હતા. આ ઘટનાની જાણ થતા ઘાયલ વૃધ્ધના પુત્ર અને ભત્રીજા સહીતનો પરિવાર હોસ્પિટલ પહોચ્યો હતો જ્યાંથી વૃધ્ધને ખાનગી હોસ્પિટલ ખસેડવામાં આવ્યા હતા. આ બનાવ અંગે સારવાર લીધા બાદ વૃદ્ધે જ આરોપી સામે હત્યા પ્રયાસ સબંધીત ફરિયાદ નોંધાવી હતી જેમાં ફરિયાદી વૃદ્ધના દીકરા યુવરાજસિહનુ ગઇ તા.૨૩/૦૫/૨૧ ના રોજ મર્ડર થયેલ હોય જે બાબતે આરોપી સાથે ચાલતા મનદુઃખને લઈને હુમલો કરવામાં આવ્યો હોવાનું જાહેર થયું છે. પોલીસે આ બનાવ બાદ આરોપીની શોધખોળ શરુ કરી છે.
