જામનગર શહેરના ગ્રીનસિટી વિસ્તારમાં બંધ મકાનમાં દારૂની મહેફિલ ચાલી રહી હોવાની માહિતીના આધારે સિટી એ ડિવિઝન પોલીસે કાર્યવાહી હાથ ધરી હતી. પોલીસની કાર્યવાહી દરમિયાન 6 મહિલાઓ અને 2 પુરુષો સહિત કુલ 8 વ્યક્તિઓ મળી આવતા તમામ સામે પ્રોહિબિશન એક્ટ હેઠળ ગુનો નોંધવામાં આવ્યો છે.
પોલીસ ફરિયાદ મુજબ, તા. 8 ઓગસ્ટ 2026ના રાત્રિના સમયે ગ્રીનસિટી વિસ્તારમાં બોડી કેર સ્પા ઉપર આવેલા બંધ મકાનમાં આરોપીઓ દારૂની મહેફિલ માણતા હોવાનું સામે આવ્યું હતું. પોલીસને સ્થળ પરથી ભારતીય બનાવટની વિદેશી દારૂની 100 ML ભરેલી એક બોટલ, કિંમત રૂ.200 મળી આવી હતી. પોલીસના જણાવ્યા અનુસાર, આરોપીઓ પાસે દારૂ અંગે કોઈ પાસ-પરમિટ કે આધાર ન હોવા છતાં દારૂનો કબજો રાખી તેનું સેવન કરતા મળી આવ્યા હતા. આ ઉપરાંત એકબીજાને મદદગારી કરી હોવાનું પણ ફરિયાદમાં જણાવાયું છે.
પોલીસે નોંધાયેલા આરોપીઓના નામ
અલ્પેશભાઈ જમનભાઈ પોપલીયા, ઉંમર 43 વર્ષ
કેવલ જીતેન્દ્રભાઈ વાઘેલા, ઉંમર 19 વર્ષ
જિંગ્લેમ રંગફા વેંગ્જેન, ઉંમર 27 વર્ષ
નિલમબેન સવજીભાઈ સોલંકી, ઉંમર 28 વર્ષ
અનંગ કાસુ બીટીંગ, ઉંમર 26 વર્ષ
એન્જલ પાસંગ સેરપા, ઉંમર 43 વર્ષ
નાંગસોંગ રંગોન વાંગઝોન, ઉંમર 30 વર્ષ
કિરોંગ યારબો લીટીન, ઉંમર 27 વર્ષ
આ મામલે સિટી એ ડિવિઝન પોલીસ સ્ટેશનમાં ગુ.ર. નં. 11202008261533/2026 હેઠળ પ્રોહિબિશન એક્ટની કલમ 66(1)(બી), 65એએ, 81, 83 અને 84 મુજબ ગુનો નોંધવામાં આવ્યો છે. પોલીસે દારૂની બોટલ સહિતનો મુદ્દામાલ કબજે કરી તમામ 8 આરોપીઓ સામે કાયદેસરની કાર્યવાહી હાથ ધરી વધુ તપાસ શરૂ કરી છે.
