પ્રાઈમ ઇન્ફૉ
- જામનગર જિલ્લાના કાલાવડ ગ્રામ્ય પોલીસ સ્ટેશન વિસ્તારમાં ખેડૂતને આર્થિક ભીંસમાં ફસાવીને કરોડો રૂપિયા પડાવી લેવાનો ગંભીર મારો સામે આવ્યો છે.
- આરોપી અલ્પેશ ગોપાલભાઈ દોંગાએ ખેતીની લોન પેટે રૂ. ૨૦ લાખ મંજૂર કરી, તેના પર માસિક ૨.૫% લેખે ગેરકાયદેસર અને લાયસન્સ વગર ઊંચું વ્યાજ વસૂલ્યું હતું.
- વ્યાજખોરોએ વિશ્વાસઘાત કરીને ખેડૂતની ૧૪ વીઘા જમીનનો વેચાણ દસ્તાવેજ ભોળવીને કરાવી લીધો હતો અને ત્યારબાદ અક્ષિત પટેલે વ્યાજના રૂ. ૫૦,૦૦૦ વસૂલ્યા હતા.
- જમીન પરત નામે કરવાના બદલામાં અન્ય આરોપીઓ દ્વારા ચેક તથા રોકડ રકમ મળીને કુલ રૂ. ૧,૨૫,૫૦,૦၀၀/- (અંકે એક કરોડ પચ્ચીસ લાખ પચ્ચાસ હજાર પૂરા) બળજબરીથી પડાવી લેવામાં આવ્યા હતા.
- ભોગ બનનાર ખેડૂતની ફરિયાદના આધારે પોલીસે અલ્પેશ દોંગા, અક્ષિત અકબરી, આકાશ ડાંગર, વાઘુ વિરા ડાંગર અને રણજીત કાનભાઈ જળુ સામે BNS અને ગુજરાત નાણા ધીરધાર અધિનિયમની કલમો હેઠળ ગુનો નોંધીને તપાસ હાથ ધરી છે.
જામનગર અપડેટ્સ: કાલાવડ પંથકમાં વ્યાજખોરોનો આતંક: ખેડૂતને આર્થિક ભીંસમાં ફસાવી રૂ.૨૦ લાખની સામે પડાવ્યા ૧.૨૫ કરોડથી વધુ રકમ, ૧૪ વીઘા જમીન પડાવી લઈ પઠાણી ઉઘરાણી અને ધમકી આપનાર શખ્સો સામે ગુનો દાખલ થયો છે.
જામનગર જિલ્લાના કાલાવડ ગ્રામ્ય પોલીસ સ્ટેશન વિસ્તારમાં ગેરકાયદેસર વ્યાજ વસૂલાત અને ધાકધમકી આપી કરોડો રૂપિયા પડાવી લેવાનો એક ગંભીર અને ચોંકાવનારો કિસ્સો સામે આવ્યો છે. કાલાવડ તાલુકાના નિકાવા ગામે પીપર ગામના રસ્તે રહેતા અને ખેતી કામ કરતા પરેશભાઈ વલ્લભભાઈ બચુભાઈ સોજીત્રા (ઉ.વ. ૪૪) નામના ખેડૂત સાથે આ છેતરપિંડી અને પઠાણી ઉઘરાણી આચરવામાં આવી છે.
આ કેસની વિગતવાર માહિતી મુજબ, સને ૨૦૨૫ ના ફેબ્રુઆરી મહિનાથી તા. ૦૩/૦૯/૨૦૨૫ દરમિયાન નિકાવા ગામે આવેલી ફરીયાદીની વાડીએ અને અન્ય સ્થળો પર આરોપીઓએ એકસંપ થઈને પૂર્વ આયોજીત ગુનાહિત કાવતરું રચ્યું હતું. ફરીયાદીની નાણાકીય ભીંસ અને લાચારીનો ગેરલાભ લઈને આરોપી અલ્પેશ ગોપાલભાઈ દોંગા (રહે. રાજકોટ) એ ખેતીની લોન પેટે રૂ. ૨૦,૦૦,૦૦૦/- (વીસ લાખ) મંજૂર કર્યા હતા. આ રકમ પર માસિક ૨.૫% લેખે ઊંચું વ્યાજ વસૂલીને સરકારશ્રીના નાણા ધીરધાર અધિનિયમના નિયમો વિરુદ્ધ લાઈસન્સ વગર ગેરકાયદેસર રીતે નાણાં ધીરવામાં આવ્યા હતા.
જમીનનો દસ્તાવેજ પડાવી લીધો અને પઠાણી ઉઘરાણી:
આરોપીઓએ વિશ્વાસઘાત કરીને ફરિયાદીની ૧૪ વીઘા જમીનનો વેચાણ દસ્તાવેજ ભોળવીને કરાવી લીધો હતો. ત્યારબાદ આરોપી અક્ષિત પટેલે (રહે. રાજકોટ) ફરિયાદી પાસેથી વ્યાજના રૂ. ૫૦,၀၀૦/- વસૂલ્યા હતા. આટલું જ નહીં, જમીન પરત નામે કરવાના બદલામાં અન્ય આરોપીઓ જેમ કે વાઘુ વિરા ડાંગર (રહે. થાન) અને રણજીત કાનભાઈ જળુ (રહે. થાન) સહિતના શખ્સોએ અલગ-અલગ ચેક દ્વારા વાઘુભાઈને રૂ. ૬૩,૪૦,૦૦૦/- તથા બાકીના રોકડા રૂ. ૬૧,૬૦,૦૦૦/- રણજીતભાઈને કઢાવી લીધા હતા. આમ, આરોપીઓએ કુલ રૂ. ૧,૨૫,૫૦,၀၀૦/- (અંકે એક કરોડ પચ્ચીસ લાખ પચ્ચાસ હજાર પૂરા) બળજબરીપૂર્વક પડાવી લીધા હતા.
આરોપીઓ દ્વારા પઠાણી ઉઘરાણી કરી છેતરપિંડી આચરવામાં આવી હતી અને અવારનવાર ગાળો આપી જાનથી મારી નાખવાની ધમકીઓ આપવામાં આવતી હતી. આ બનાવ અંગે ભોગ બનનાર ખેડૂતની ફરિયાદના આધારે કાલાવડ ગ્રામ્ય પોલીસ સ્ટેશનમાં ભારતીય ન્યાય સંહિતા (BNS) ૨૦૨૩ ની કલમ ૩૧૬(૫), ૩૧૮(૫), ૩૦૮(૨), ૩૫૧(૩), ૩૫૨, ૬૧(૨), ૩(૫) તથા ગુજરાત નાણા ધીરધાર અધિનિયમની કલમ- ૫, ૪૦ અને ૪૨ મુજબ ગુનો દાખલ કરવામાં આવ્યો છે.
આ ગુનામાં (૧) અલ્પેશભાઇ દોંગા (રાજકોટ), (૨) અક્ષીતભાઇ અકબરી (રાજકોટ), (૩) આકાશ ડાંગર (રાજકોટ), (૪) વાઘુ વિરા ડાંગર (થાન), (૫) રણજીત કાનભાઇ જળુ (થાન) તેમજ તપાસમાં ખુલે તે તમામ સામે નામજોગ ગુનો નોંધી, વધુ તપાસ પોલીસ ઇન્સ્પેક્ટર એસ.વી. આંબલીયા દ્વારા હાથ ધરવામાં આવી છે.
