પ્રાઈમ ઇન્ફૉ:
લાલપુરના મોટીખાવડી ગામે 10 કિલોથી વધુનીં કીમતના ગાંજા સાથે બે શખ્સો ઝડપાયા
એલેન્ટો હોટલ પાછળ આવેલી ગુપ્તા કોલોનીના મેઘપર પોલીસે પાડ્યો દરોડો
પોલીસે રૂ.5,05,900ની કિંમતનો 10 કિલો 118 ગ્રામ ગાંજાનો જથ્થો કબજે કર્યો
પોલીસે ઉત્તર પ્રદેશના મુકેશ કુમાર મિશ્રા અને હફીજખાન ફૈજુલ્લા ખાનને પોલીસે ઝડપી લીધા.
ગાંજો વેચાણ માટે રાખ્યો હોવાનો પોલીસમાં ખુલાસો
હાજર નહીં મળેલ ઉત્તર પ્રદેશના વિજયશંકર પાંડે નામના સખસે જથ્થો સપ્લાય કર્યાની વિગતો બહાર આવી
જામનગર અપડેટ્સ: જામનગર જિલ્લાના મેઘપર (પડાણા) પોલીસ સ્ટેશન વિસ્તારમાં આવેલા મોટીખાવડીની ગુપ્તા કોલોનીમાં પોલીસે દરોડો પાડી ગાંજાનો જથ્થો ઝડપી પાડ્યો છે. એલેન્ટો હોટલની પાછળ આવેલી ગુપ્તા કોલોનીના મકાન નંબર C-10માંથી પોલીસે કુલ 10 કિલો 118 ગ્રામ ગાંજો, જેની કિંમત રૂ.5,05,900 થાય છે, તેમજ ત્રણ મોબાઈલ ફોન સહિત કુલ રૂ.5,16,400નો મુદ્દામાલ કબજે કર્યો છે. આ કાર્યવાહી દરમિયાન બે શખ્સોને ઝડપી લેવામાં આવ્યા છે, જ્યારે ગાંજાનો જથ્થો મોકલવામાં સંડોવાયેલો હોવાનું પોલીસ ફરિયાદમાં જણાવાયેલો એક શખ્સ ફરાર છે.
પોલીસમાં નોંધાયેલી વિગતો અનુસાર, મકાનમાં રહેતા મુકેશ કુમાર પ્રેમચંદ મિશ્રા (ઉંમર 37 વર્ષ, વ્યવસાયે ડ્રાઈવર)એ ઉત્તર પ્રદેશના ફરાર આરોપી વિજયશંકર પાંડે પાસેથી ગેરકાયદે રીતે ગાંજાનો જથ્થો મંગાવ્યો હોવાનો આક્ષેપ છે. આ જથ્થો પહોંચાડવા માટે ઉત્તર પ્રદેશના હફીજખાન ફૈજુલ્લા ખાન (ઉંમર 37 વર્ષ, વ્યવસાયે મજૂરી)ની મદદ લેવામાં આવી હોવાનો પણ ફરિયાદમાં ઉલ્લેખ છે.
ફરિયાદ મુજબ, હફીજખાન ઉત્તર પ્રદેશના જૌનપુર રેલવે સ્ટેશન પરથી વિજયશંકર પાંડે પાસેથી ગાંજાનો જથ્થો મેળવી મોટીખાવડી ખાતેના મકાનમાં પહોંચાડ્યો હતો. ત્યારબાદ આ જથ્થો વેચાણના હેતુથી મકાનમાં રાખવામાં આવ્યો હોવાનો પોલીસનો આક્ષેપ છે.
મેઘપર (પડાણા) પોલીસે દરોડા દરમિયાન 10 કિલો 118 ગ્રામ ગાંજો અને ત્રણ મોબાઈલ ફોન કબજે કરી બંને આરોપીઓને પકડી પાડ્યા હતા. જપ્ત કરાયેલા ગાંજાની કિંમત રૂ.5,05,900 અને મોબાઈલ ફોનની કિંમત રૂ.10,500 ગણવામાં આવી છે. આમ, કુલ રૂ.5,16,400નો મુદ્દામાલ કબજે કરવામાં આવ્યો છે.
આ બનાવ અંગે મેઘપર (પડાણા) પોલીસ સ્ટેશનમાં NDPS એક્ટની કલમ 8(C), 20(B)(2)(B) અને 29 હેઠળ ગુનો નોંધવામાં આવ્યો છે. પોલીસે મુકેશ કુમાર મિશ્રા અને હફીજખાનની ધરપકડ કરી છે, જ્યારે ઉત્તર પ્રદેશના સુલતાનપુર જિલ્લાના કાદીપુર તાલુકાના સુરાપુર ગામનો રહેવાસી હોવાનું જણાવાયેલો વિજયશંકર પાંડે ફરાર હોવાથી તેને ઝડપી પાડવા સહિતની આગળની કાર્યવાહી હાથ ધરવામાં આવી છે.
નોંધ: આ સમાચાર પોલીસ ફરિયાદમાં આપવામાં આવેલી વિગતોના આધારે તૈયાર કરવામાં આવ્યા છે. આરોપો અંગે કોર્ટમાં દોષ સાબિત થાય ત્યાં સુધી આરોપીઓને નિર્દોષ માનવાની કાનૂની ધારણા લાગુ પડે છે.
