જામનગરના દરેડ GIDC ફેસ-3 વિસ્તારમાં આવેલી એક ખાનગી કંપનીમાં નોકરીના બહાને ઘૂસીને લાખો રૂપિયાના બ્રાસ સ્ક્રેપ અને ફિનિશ્ડ માલની ચોરી કર્યાનો ચોંકાવનારો કિસ્સો પ્રકાશમાં આવ્યો છે. પૂર્વ આયોજિત કાવતરા હેઠળ નોકરી મેળવ્યા બાદ કંપનીના જ માલની ચોરી કરી વેચી માર્યાના આરોપસર પંચ બી પોલીસ સ્ટેશનમાં ગુનો નોંધાયો છે.
આ અંગેની પોલીસમાંથી મળતી વિગતો મુજબ, પંચ બી પોલીસ સ્ટેશનમાં ગુ.ર.નં. 112020462601004/2026 થી ભારતીય ન્યાય સંહિતા (BNS) કલમ 306, 61(2) મુજબ ગુનો નોંધવામાં આવ્યો છે. ફરિયાદી: દિલીપભાઇ ટેકચંદભાઇ ચંદનાણી, ઉ.વ. 55, જાતે સિંધી ભાનુશાળી, ધંધો વેપાર, રહે. સત્યમ કોલોની, એરફોર્સ-2 ગેઈટની બાજુમાં, જામનગર (મો. 9825210311) એ ફરિયાદ નોંધાવી છે. તેમની દરેડ, ફેસ-3 ખાતે આવેલી કંપનીમાં આરોપી દિવ્યરાજગીરી સુરજગર ગોસ્વામી, રહે. ઇ-6, દ્વારકેશ પાર્ક, હર્ષદ મીલની ચાલી, રણજીત સાગર રોડ, જામનગર (મો. 8320696252) અને તપાસમાં નામ ખુલે તે તમામ ઈસમોએ પૂર્વ આયોજિત કાવતરું રચ્યું હતું.
ફરિયાદ મુજબ, આરોપીએ કાવતરા મુજબ ફરિયાદીની કંપનીમાં નોકરી મેળવી હતી અને તા. 08/05/2025 થી તા. 28/03/2026 સુધીના સમયગાળા દરમિયાન ફરિયાદીની જાણ બહાર કંપનીમાંથી બ્રાસ સ્ક્રેપ તથા ફિનિશ્ડ ગુડ્સ મળી કુલ રૂ. 73,66,358.43/- (અંકે રૂપિયા તોતેર લાખ છાસઠ હજાર ત્રણસો અઠાવન અને તેતાલીસ પૈસા) નો માલ ચોરી કરી વેચી નાખ્યો હતો. ચોરીનો ભાંડો ફૂટી જતા બંને પક્ષે વચ્ચે સમજૂતી કરાર કરવામાં આવ્યો હતો, પરંતુ આરોપીએ કરાર મુજબના બાકી નીકળતા રૂ. 44,66,358.33/- ચૂકવ્યા ન હતા. વારંવાર માંગણી છતાં રૂપિયા ન મળતા આખરે ફરિયાદીએ કાયદાનો સહારો લીધો હતો. આ ગુનાની જાણ તા. 23/08/2026 ના રોજ સાંજે 19:05 કલાકે પંચ બી પોલીસ સ્ટેશનમાં કરવામાં આવી હતી. બનાવનું સ્થળ પોલીસ સ્ટેશનથી પશ્ચિમે 2 કિ.મી. દૂર દરેડ ફેસ-3, જામનગર દર્શાવાયું છે.
આ ગુનાની તપાસ પો.હે.કો. પી.એફ. જાડેજા, પંચ બી પો.સ્ટે. ચલાવી રહ્યા છે, જ્યારે PSO તરીકે HC ડી.વી. છૈયા નોંધાયા છે. કંપનીમાં કામ કરતા કર્મચારી દ્વારા જ કરાયેલી આટલી મોટી ચોરીને કારણે ઔદ્યોગિક વિસ્તારમાં ચર્ચા જાગી છે. પોલીસે આરોપી સામે ગુનો નોંધી ચોરાયેલા મુદ્દામાલ અને વેચાણ અંગે વધુ તપાસ હાથ ધરી છે. આરોપી સાથે અન્ય કોઈની સંડોવણી છે કે કેમ તે દિશામાં પણ પોલીસ તપાસ કરી રહી છે.
