જામનગર અપડેટ્સ: જામનગરની પ્રતિષ્ઠિત પેઢી શ્રીજી શિપીંગ કંપનીએ રૂા. સાડા આઠ કરોડની લ્હેણી રકમ વસુલવા કચ્છની એક કંપની સામે એન.સી.એલ.ટી.માં કેસ કર્યો છે. કચ્છની કંપનીના એક ડાયરેકટર કચ્છ ભાજપના મહિલા અગ્રણીના પૂત્ર પણ છે.
આ કેશની હકીકત એવી છે કે, જામનગરની પ્રતિષ્ઠીત શ્રીજી શિપીંગ કંપની દ્વારા ગાંધીધામના આર.સી.સી.લીર્મીટેડ (રીગલ શીપીંગ પ્રા.લી.) તરીકે ઓળખાતી કંપની સામે રૂા. ૮,૫૧,૨૫,૮૭૭ (અંકે રેપિયા આઠ કરોડ અકાવન લાખ પચીસ હજાર આઠસો સીતોતેર પુરા)નો લેણી રકમ વસુલવા અંગે એન.સી.એલ.ટી.માં કેશ દાખલ કરેલ છે.
આ આર.સી.સી.લીમીટેડ (રીગલ શીપીંગ પ્રા.લી.)ના ડાયરેકટર તરીકે કચ્છ ભાજપના મહિલા અગ્રણી નીમાબેન આચાર્યના પૂત્ર મીલન ભાવેશભાઈ આચાર્ય તેમજ નરેન્દ્રસિંહ દલપતસિંહ રાણા, દિલીપ નાનુભાઈ શાહ, સંદિષ મોતીલાલ શાહ, અને પારસ ચૌધરી છે.
જામનગરની શ્રીજી શીપીંગ કંપની દ્વારા આર.સી.સી. લીમીટેડ (રીગલ શીપીંગ પ્રા. લી.) કંપનીને બાર્જ-ટગ અને ક્રેઈનની સર્વિસ પુર પાડી હોય, જે સર્વિસ અંગેનાં બીલની લેણી રકમ આર.સી.સી. લીમીટેડ (રીગલ શીપીંગ પ્રા.લી.) દ્વારા શ્રીજી શીપીંગ કંપનીને ચુકવી નથી. તેમજ શ્રીજી શીપીંગ કંપનીએ આપેલ સર્વિસ અંગેનાં બીલોનો આર.સી.સી. લીમીટેડ (રીગલ શીપીંગ પ્રા.લી) કંપની દ્વારા ટી.ડી.એસ. પણ કપાત કરાયો છે.
જેથી સ્પષ્ટ રીતે ફલીત થાય કે, આર.સી.સી.લીમીટેડ (રીગલ શીપીંગ પ્રા.લી.) કંપની પાસેથી શ્રીજી શીપીંગ કંપનીના લેણી રકમ કેટલી વસુલવાની બાકી છે. તેમ છતાં આર.સી.સી. લીર્મીટેડ (રીગલ શીપીંગ પ્રા.લી) કંપની દ્વારા આ લેણી રકમ ન ચુકવતા શ્રીજી શીપીંગ કંપની દ્વારા એન.સી.એલ.ટી. કંપની ટ્રીબ્યુનલ (નેશનલ કંપની લો ટ્રીબ્યુનલ)માં લેણી રકમ વસુલવા માટે કેશ દાખલ કર્યો છે. આ કેશમાં શ્રીજી શીપીંગ કંપનીના વકીલો તરીકે રાજેશ સવજાણી તથા હિતેન ભટ્ટ રોકાયા છે.
