જામનગર અપડેટ્સ: જામનગર શહેર નજીક ખંભાલીયા રોડ પર કારનો પીછો કરીને ટક્કર મારી યુવાન પર જીવલેણ હુમલો અને ફાયરિંગ કરવાની ચોંકાવનારી ઘટના સામે આવી છે. આ બનાવમાં પૂર્વ રાજકીય નેતા સહિત કુલ 9 આરોપીઓ સામે સિક્કા પોલીસ સ્ટેશનમાં ભારતીય ન્યાય સંહિતાની ગંભીર કલમો તથા આર્મ્સ એક્ટ હેઠળ ગુનો નોંધવામાં આવ્યો છે.
પોલીસમાં નોંધાયેલી ફરિયાદ મુજબ, ફરિયાદી અસલમભાઈ કરીમભાઈ ખિલજી (ઉ.વ. 47, રહે. પિલુડી ફળી પટણીવાડ, જામનગર)એ જણાવ્યું હતું કે અગાઉ થયેલી મારામારીનો ખાર રાખીને આરોપીઓએ પૂર્વ આયોજન સાથે હુમલો કર્યો હતો.
આ બનાવ 22 માર્ચ 2026ના રોજ રાત્રે લગભગ 11 વાગ્યાના સમયે થાણાથી પૂર્વ તરફ આશરે 12 કિલોમીટર દૂર સ્વાન સ્વીટ ફેક્ટરીના ગેટ પાસે રોડ ઉપર બન્યો હતો.
ફરિયાદ મુજબ, સાહેદ શાહનવાઝ પોતાના મિત્રો સાથે મહિન્દ્રા થાર કાર (નંબર GJ-10-EH-3130)માં જઈ રહ્યા હતા ત્યારે આરોપીઓએ પોતાની થાર તથા બલેનો જેવી કારોમાં પીછો કરીને તેમની કારને ટક્કર મારી રોડ પરથી નીચે ઉતારી દીધી હતી.
ત્યારબાદ આરોપીઓએ હાથમાં રિવોલ્વર, પિસ્તોલ, તલવાર અને લોખંડના પાઇપ જેવા મારક હથિયારો સાથે હુમલો કર્યો હતો. સાહેદ શાહનવાઝને કારમાંથી નીચે ઉતારી હાથ, પગ અને શરીરના ભાગોમાં આડેધડ માર મારતા ગંભીર ઇજાઓ પહોંચાડવામાં આવી હતી.
ફરિયાદ મુજબ, હુમલા દરમિયાન આરોપીઓમાંથી કેટલાકે “અન્ના અને મુખ્તારના કહેવા પર આવ્યા છીએ અને આજે તેને જાનથી મારી નાખવાનો છે” એવું પણ બોલતા હતા. સાહેદ શાહનવાઝ બચવા માટે ભાગતા આરોપીઓએ રિવોલ્વર અને પિસ્તોલમાંથી બે થી ત્રણ રાઉન્ડ ફાયરિંગ પણ કર્યું હતું.
આ હુમલામાં સાહેદ શાહનવાઝ ઉપરાંત રઉફ અને અસલમને પણ ઇજાઓ પહોંચી હોવાનું જાણવા મળ્યું છે.
આ સમગ્ર મામલે જામનગર મહાનગર પાલિકાના પૂર્વ વિપક્ષી નેતા અલ્તાફ ગફ્ફારભાઈ ખફી સહિત અનવર ઉર્ફે અન્ના ગફ્ફારભાઈ ખફી, મુખ્તાર ઉર્ફે ટોપી અબ્બાસ કુરેશી, તબરેજ, મહેબુબ ખફી, મોસીન પચાસિયો, હનીફ મુસા ખફી, હુસેન બોદુ ખફી અને હમીદ જાનમામદ ઉર્ફે રાંઝો સહિત અન્ય અજાણ્યા શખ્સો સામે ગુનો નોંધાયો છે. પોલીસે આ મામલે ભારતીય ન્યાય સંહિતાની કલમ 109(1), 118(1), 118(2), 189(2), 189(4), 190, 191(3), 61(2) તેમજ આર્મ્સ એક્ટ કલમ 25(1-A), 27(1) અને જી.પી. એક્ટ કલમ 135(1) હેઠળ ગુનો નોંધ્યો છે.આ બનાવની વધુ તપાસ સિક્કા પોલીસ સ્ટેશનના પો.ઇન્સ્પેક્ટર પી.ટી. જયસ્વાલ કરી રહ્યા છે.
અત્રે ઉલ્લેખનીય છે કે તાજેતરમાં ફરિયાદી પૂર્વ વિપક્ષી નેતા અસલમ ખીલજી પર જામનગરમાં જીવલેણ હુમલો કરાયો હતો. આ પ્રકરણમાં પૂર્વ વિપક્ષી નેતા અલ્તાફ ખફી હજુ સપ્તાહ પૂર્વે જ કાયદાકીય પ્રક્રિયા પૂર્ણ કરી જેલ હવાલે કરાયા છે, જો કે આજની ઘટના સમયે પણ જેલમાં છે ત્યારે પોલીસ વધુ એક ગુનાના કામે તેઓનો જેલમાંથી કબજો સંભાળશે,
