પુત્રના અભ્યાસ માટે લેપટોપ અને સાઉન્ડ સિસ્ટમ અપાવ્યા બાદ આરોપી હપ્તા ભરવામાં ફરી ગયો, લગ્નમાં પહેરવા માટે લીધેલો સોનાનો ચેન પણ ઓળવી ગયો: ઉઘરાણી કરતા જાનથી મારી નાખવાની
જામનગર અપડેટ્સ: કહેવાય છે કે લોહીના સંબંધો કરતા પણ ક્યારેક મિત્રતાનો સંબંધ વધુ અતૂટ હોય છે, પરંતુ જામનગરના ચાંદી બજાર વિસ્તારમાં બનેલી એક ઘટનાએ આ માન્યતા પર પાણી ફેરવી દીધું છે. પાંચ-પાંચ વર્ષની જૂની ઓળખાણ અને અતૂટ ભરોસાનો લાભ ઉઠાવીને એક શખ્સે પોતાના જ મિત્ર એવા સોની વેપારીને આર્થિક રીતે પાયમાલ કરવાનો પ્રયાસ કર્યો છે. મદદ કરવાની ભાવના રાખનાર વેપારીને આજે પોલીસ સ્ટેશનના પગથિયાં ચડવા પડ્યા છે, કારણ કે જેની આંગળી પકડીને મદદ કરી હતી, એ જ શખ્સે હવે મોતની ધમકી આપીને પોતાની અસલી ફિતરત બતાવી છે.
મિત્રતાના નાતે કેવી રીતે રચાયું છેતરપિંડીનું જાળ?
ફરિયાદી : હિમાંશુભાઈ જયંતીલાલ વજાણી (ઉ.વ. ૩૪, વ્યવસાય: સોનીકામ)
આરોપી : જીજ્ઞેશ ઉર્ફે જીગો દિનેશભાઈ સોલંકી (રહે. આણદાબાવા ચકલો, જામનગર)
સ્થળ: રિદ્ધિ-સિદ્ધિ જ્વેલર્સ, ચાંદી બજાર, જામનગર
કાયદાકીય કલમો: BNS કલમ ૩૧૬(૨), ૩૫૨, ૩૫૧(૩) (વિશ્વાસઘાત અને ધમકી)
વિશ્વાસઘાતનું પંચનામું: તબક્કાવાર છેતરપિંડી
૧. દીકરાના નામે લેપટોપની માંગણી: આરોપી જીજ્ઞેશ પાસે પૈસા ન હોવાથી તેણે તેના પુત્રને લેપટોપ અપાવવા હિમાંશુભાઈને વિનંતી કરી હતી. મિત્રતાના દાવે હિમાંશુભાઈએ રૂ. ૯૯,૯૯૯ની કિંમતનું એપલ કંપનીનું લેપટોપ બજાજ ફાઈનાન્સ પર અપાવ્યું હતું.
૨. સોનાનો ચેન ઓળવી ગયો:
ઓક્ટોબર માસમાં આરોપીએ લગ્નમાં પહેરવાના બહાને હિમાંશુભાઈ પાસેથી ૧૦ ગ્રામ ૩૦૦ મિલી ગ્રામ વજનનો ૨૨ કેરેટનો સોનાનો ચેન લીધો હતો, જે આજદિન સુધી પરત કર્યો નથી.
૩. સાઉન્ડ સિસ્ટમની લોન: હજુ પણ સંતોષ ન થયો હોય તેમ, નવેમ્બર માસમાં આરોપીએ ફરી હિમાંશુભાઈના નામે આઈ.ડી.એફ.સી. બેંકમાંથી લોન કરાવી જે.બી.એલ. કંપનીની મોંઘી સાઉન્ડ સિસ્ટમ મેળવી લીધી હતી.
Admission Open 2026–27 | S.V.E.T. College, Jamnagar, Your future starts with the right education. Choose from top career-oriented courses and build a strong foundation for success.
Courses Available: B.Com | B.B.A | B.C.A | LL.B | M.Com
Experienced Faculty, Practical Learning Environment, Trusted Since 25+ Years
Location: Saru Section Road, Jamnagar, Call Now: 94093 31966
મદદગાર વેપારીને મળી મોતની ધમકી
જ્યારે હિમાંશુભાઈએ જોયું કે જીજ્ઞેશ લેપટોપ અને સાઉન્ડ સિસ્ટમના હપ્તા ભરવામાં આનાકાની કરી રહ્યો છે, ત્યારે તેમણે હપ્તા ભરવા માટે દબાણ કર્યું હતું. આટલું જ નહીં, પોતાનો સોનાનો ચેન પાછો માંગતા આરોપી જીજ્ઞેશ ઉર્ફે જીગો પોતાની અસલી ઓળખ પર ઉતરી આવ્યો હતો. તેણે હપ્તા ભરવાની સાફ ના પાડી દીધી અને હિમાંશુભાઈને ગંદી ગાળો આપી, જાહેરમાં જાનથી મારી નાખવાની ધમકી આપી હતી. મિત્રતાનું સ્થાન હવે કાયદાકીય લડાઈએ લીધું છે.
ખાખીનો સકંજો અને બોધપાઠ
આ સમગ્ર મામલે સીટી એ ડિવિઝન પોલીસ સ્ટેશનમાં ફરિયાદ નોંધાતા પી.એસ.આઈ. વી.આર. ગામેતીએ તપાસનો ધમધમતો દોર શરૂ કર્યો છે. પોલીસ હવે આરોપી જીજ્ઞેશ ઉર્ફે જીગાને જેલના સળિયા પાછળ ધકેલવા માટે તજવીજ હાથ ધરી રહી છે. આ ઘટના એવા દરેક વ્યક્તિ માટે ચેતવણી સમાન છે જેઓ ‘આંખ મીંચીને’ કોઈ પર ભરોસો કરે છે. આજના જમાનામાં કાગળ પરની લોન અને હપ્તા તમારા નામે હોય ત્યારે સામેની વ્યક્તિ ગમે તેટલી નજીકની કેમ ન હોય, પણ સાવચેતી રાખવી અનિવાર્ય છે. હિમાંશુભાઈની ઉદારતા તેમને જ ભારે પડી છે, પણ હવે જોવાનું એ રહેશે કે જામનગર પોલીસ આ ‘વિશ્વાસઘાતી મિત્ર’ ને ક્યારે કાયદાનું ભાન કરાવે છે.
