પ્રાઈમ ઇન્ફૉ
• તા. 11 થી 20 ઓક્ટોબર દરમિયાન સાત રસ્તા પ્રદર્શન ગ્રાઉન્ડ ખાતે લોટસ ટ્રસ્ટ દ્વારા ભવ્ય નવરાત્રી મહોત્સવનું આયોજન
• 60×50 ના વિશાળ સ્ટેજ પર 144 દીકરીઓ 30 થી વધુ અદભુત રાસ-ગરબા દ્વારા માં ની આરાધના કરશે
• જાહેર જનતા માટે વિનામૂલ્યે પ્રવેશ, 6-7 હજાર લોકોની બેઠક વ્યવસ્થા અને વિનામૂલ્યે પાર્કિંગ સુવિધા
• આ વર્ષનું મુખ્ય આકર્ષણ ગુજરાતમાં પ્રથમ વખત 54×14 ફૂટની વિશાળ LED સ્ક્રીન પર ગરબાનું લાઈવ પ્રસારણ
• સુરક્ષા માટે 15+ CCTV, 25+ સિક્યોરિટી, મેડિકલ ટીમ અને સ્વયંસેવકો ખડેપગે રહેશે
જામનગર અપડેટ્સ: જામનગર: વૈવિધ્યસભર પ્રાચીનતમ ભારતીય સંસ્કૃતિને અનુરૂપ ગરબા મહોત્સવ એટલે લોટસ ચેરીટેબલ ટ્રસ્ટ પ્રસ્તુત સરગમ 2026 નવરાત્રિ મહોત્સવ. શહેરની સેવાભાવી અને પ્રતિષ્ઠિત સંસ્થા લોટસ ચેરીટેબલ ટ્રસ્ટ દ્વારા દર વર્ષની જેમ આ વર્ષે પણ ભવ્ય નવરાત્રી મહોત્સવનું આયોજન કરવામાં આવ્યું છે. સંસ્થા છેલ્લા સમગ્ર વર્ષ દરમિયાન સામાજિક, શૈક્ષણિક, સાંસ્કૃતિક અને આરોગ્યલક્ષી અનેક સેવાકીય પ્રવૃતિઓ કરે છે, જેમાં તાલીમ વર્ગો, શિબિરો, મેડીકલ કેમ્પ અને વિનામૂલ્યે અંતિમ યાત્રા રથ સેવા નોંધપાત્ર છે. આ વર્ષે સંસ્થા દ્વારા સરગમ નવરાત્રી મહોત્સવ 2026′ નું ભવ્ય આયોજન કરવામાં આવી રહ્યું છે, જેનો મુખ્ય ઉદ્દેશ્ય યુવા પેઢીમાં સાંસ્કૃતિક વારસાનું જતન અને વ્યક્તિત્વ વિકાસ કરવાનો છે.
તારીખ, સમય અને સ્થળ:
આ નવરાત્રી મહોત્સવ તા. 11-10-2026 રવિવારથી તા. 20-10-2026 મંગળવાર સુધી દરરોજ રાત્રે 8:30 થી 12:00 કલાક દરમિયાન પ્રદર્શન ગ્રાઉન્ડ, સાત રસ્તા પાસે, જામનગર ખાતે યોજાશે.
મહોત્સવની વિશેષતાઓ:
- વિશાળ સ્ટેજ: 60 x 50 ફૂટના વિશાળ સ્ટેજ પર 144 જેટલી જગદંબા સ્વરૂપ દીકરીઓ માં ની આરાધના કરશે.
- વિનામૂલ્યે પ્રવેશ: જામનગરની જનતાને કોઈપણ જાતની પ્રવેશ ફી વગર પારિવારિક માહોલમાં ગરબા માણવાની ઉચિત વ્યવસ્થા.
- સુંદર વ્યવસ્થા: દરરોજ 6 થી 7 હજાર નાગરિકો બેસી શકે તેવી બેઠક વ્યવસ્થા, જેમાં શહેરના સંતો-મહંતો, અગ્રણીઓ, અધિકારીઓ, ઉદ્યોગપતિઓ, ડોક્ટરો અને પત્રકારો માટે અલગ વ્યવસ્થા.
- સુરક્ષા વ્યવસ્થા: સમગ્ર એરેનામાં 15 થી વધુ સી.સી.ટી.વી. કેમેરા, 25 થી વધુ પ્રાઇવેટ સિક્યોરિટી અને 15 થી વધુ સ્વયંસેવક ભાઈઓ ખડેપગે રહેશે.
- અન્ય સુવિધા: વાહન પાર્કિંગની વિનામૂલ્યે સુવિધા અને ગ્રાઉન્ડ ઉપર મેડીકલ ટીમ સતત સજ્જ રહેશે.
રાસ-ગરબાની તૈયારીઓ:
સમગ્ર મહોત્સવ માટે છેલ્લા 2 મહિનાથી 144 થી વધુ દીકરીઓ પ્રેક્ટીસ કરી રહી છે. 144 બાળાઓને પાંચ ગ્રુપમાં વિભાજીત કરી 30 થી વધુ રાસ-ગરબા જેવા કે માડી તારા અઘોર નગારા વાગે, ડાકલા પેરોડી, રાજસ્થાની ગરબા વગેરે તૈયાર કરવામાં આવ્યા છે. કોરીયોગ્રાફી માટે 2 માસથી વધુ સમયથી જહેમત ઉઠાવાઈ રહી છે.
ખાસ આકર્ષણ:
આ વર્ષનું સૌથી મોટું આકર્ષણ ગુજરાતના નવરાત્રીના જાહેર કાર્યક્રમમાં જામનગરમાં પ્રથમ વખત 54 x 14 ફૂટની વિશાળ LED સ્ક્રીન ઉપર ગરબાઓનું લાઈવ પ્રસારણ કરવામાં આવશે. લાઈવ સ્ક્રીન સાથે દીકરીઓને વિવિધ થીમ સાથે ગરબે ઘૂમતી જોવી એ એક અલગ જ લ્હાવો બની રહેશે.
આ સમગ્ર મહોત્સવને સફળ બનાવવા લોટસ ચેરીટેબલ ટ્રસ્ટના ટ્રસ્ટી ભરત ઢોલરીયા, શૈલેષ પટેલ, બીપીન સોરઠીયા, જમન બાબીયા, સંજય સુદાણી, અરવિંદ કોડીનારીયા, હેમંત દોમડીયા તેમજ નવરાત્રી કન્વીનર તરીકે રાજન મુંગરા, સુભાષ ઘાડિયા, ચેતન ટોલરીયા, અરવિંદ સોજીત્રા, હસમુખ દોમડીયા, અશોક અણીપરા તેમજ વિવિધ વ્યવસ્થા કમિટીના ચેરમેન તથા મહિલા વિંગની ટીમ ખભે ખભા મિલાવી કામ કરી રહ્યા છે. લોટસ ચેરીટેબલ ટ્રસ્ટ દ્વારા જામનગરની જનતાને આ પારિવારિક અને સાંસ્કૃતિક નવરાત્રી મહોત્સવમાં મોટી સંખ્યામાં ઉપસ્થિત રહેવા અનુરોધ કરવામાં આવ્યો છે.
