પ્રાઈમ ઇન્ફૉ
- જામનગરમાં તસ્કરનો તરખાટ: મકાનનું તાળું તોડી ₹3.07 લાખની મત્તા સાફ
- ઢીંચડા રીંગ રોડ પર તસ્કરી: લોકર તોડી ₹2 લાખ રોકડા અને દાગીના ઉઠાવી ગયા
- મકાન બંધ કરી બજારમાં ગયા, પરત ફર્યા ત્યારે તસ્કરોએ ₹3.07 લાખનો હાથફેરો કરી દીધો
- જામનગરમાં તસ્કરો બેફામ: તાળું તોડી લોકર ફોડ્યું, રોકડ-દાગીના સહિત લાખોની ચોરી
- ઢીંચડા રોડ પર તસ્કરીનો ખેલ: મકાનનું તાળું ખોલી લોકર તોડી લાખોની મત્તા ચોરી
- મકાનમાલિક બહાર ગયા ને તસ્કર ત્રાટક્યો, ₹2 લાખ રોકડ સાથે દાગીના લઈ ફરાર
- તાળું ખોલ્યું, લોકર તોડ્યું ને ₹3.07 લાખ લઈને ફરાર: જામનગરમાં તસ્કરી
- જામનગરના યોગી પાર્કમાં ચોરી: અજાણ્યો તસ્કર ₹3.07 લાખની મત્તા લઈ ગયો
જામનગર અપડેટ્સ: જામનગરના ઢીંચડા રીંગ રોડ પર આવેલા યોગી પાર્ક વિસ્તારમાં મકાનમાં તસ્કરીની ઘટના સામે આવી છે. બ્યુટી પાર્લર સંચાલક મહિલા બજારમાં ગયા બાદ પાછળથી અજાણ્યો તસ્કર મકાનમાં પ્રવેશ્યો હતો અને લોકર તોડી સોના-ચાંદીના દાગીના તથા રોકડ મળી કુલ ₹3.07 લાખની મત્તા ચોરી કરી ફરાર થઈ ગયો હતો.
પોલીસ ફરિયાદ મુજબ, ફરિયાદી નીકીતાબેન ઉર્ફે નીશાબેન વાગડીયા ઢીંચડા રોડ સ્થિત તીરૂપતિ સોસાયટીના યોગી પાર્કમાં ભાડાના મકાનમાં રહે છે અને બ્યુટી પાર્લરનો વ્યવસાય કરે છે. તા. 22 સપ્ટેમ્બરના રોજ સાંજે 6:30થી રાત્રે 9:30 વાગ્યાના સમયગાળા દરમિયાન તેઓ કોઈ કામસર બજારમાં ગયા હતા. દરમિયાન અજાણ્યો શખ્સ મકાનનું તાળું ખોલી અંદર પ્રવેશ્યો હતો. ત્યારબાદ ફરિયાદીના રૂમમાં રાખવામાં આવેલા પતરાના કબાટની અંદર રહેલા લોકરનો દરવાજો તોડી નાખ્યો હતો. લોકરમાં રાખેલા આશરે ₹1.07 લાખની કિંમતના સોના-ચાંદીના દાગીના તેમજ ₹2 લાખ રોકડ મળી કુલ ₹3.07 લાખની મત્તા તસ્કર ચોરી કરી ગયો હોવાનું ફરિયાદમાં જણાવાયું છે.
ઘટનાની જાણ થતાં ફરિયાદીએ સમગ્ર મામલે બેડી મરીન પોલીસ મથકનો સંપર્ક કર્યો હતો. જેના પગલે પોલીસે અજાણ્યા ચોર શખ્સ વિરુદ્ધ ભારતીય ન્યાય સંહિતા-2023ની કલમ 305 અને 331(4) મુજબ ગુનો નોંધી તપાસ હાથ ધરી છે. પોલીસ દ્વારા મકાનમાં પ્રવેશ કરનાર શખ્સની ઓળખ મેળવવા તેમજ ચોરીનો ભેદ ઉકેલવા માટે વધુ તપાસ હાથ ધરવામાં આવી રહી છે.
